ಬಿಜೆಪಿ ನಾಯಕರೊಬ್ಬರ ಕಾರಿನಲ್ಲಿ ಜನಸಮೂಹ ಇವಿಎಂಗಳನ್ನು ಒಡೆದಿರುವುದನ್ನು ತೋರಿಸುತ್ತದೆ ಎಂದು ಹಳೆಯ ವೀಡಿಯೊವನ್ನು ತಪ್ಪಾಗಿ ಹಂಚಿಕೊಳ್ಳಲಾಗಿದೆ.

ಬಿಜೆಪಿ ನಾಯಕರ ಕಾರಿನಲ್ಲಿರುವ ಇವಿಎಂಗಳನ್ನು ಜನರು ಒಡೆಯುತ್ತಿದ್ದಾರೆ ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರು ಆರೋಪಿಸಿದ್ದಾರೆ. ಆದರೆ, ಸುದ್ದಿ ಕ್ಲಿಪ್‌ನಲ್ಲಿ ತೋರಿಸಿರುವ ಘಟನೆ ೨೦೨೩ ರಲ್ಲಿ ಸಂಭವಿಸಿದೆ ಮತ್ತು ೨೦೨೪ ರ ಲೋಕಸಭಾ ಚುನಾವಣೆಗೆ ಸಂಬಂಧಿಸಿಲ್ಲ. ಆದ್ದರಿಂದ ಈ ಹೇಳಿಕೆ ತಪ್ಪು.

ಹೇಳಿಕೆ:

ಬಿಜೆಪಿ ನಾಯಕರ ಕಾರಿನಲ್ಲಿ ಜನರು ಇವಿಎಂಗಳನ್ನು ಕಂಡುಕೊಂಡಿದ್ದರಿಂದ ಆಕ್ರೋಶಗೊಂಡು ಒಡೆಯುತ್ತಿರುವುದನ್ನು ವಿಡಿಯೋ ತೋರಿಸುತ್ತದೆ ಎಂಬ ಹೇಳಿಕೆಯನ್ನು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹಂಚಿಕೊಂಡಿದ್ದಾರೆ. ಇನ್ಸ್ಟಾಗ್ರಾಮ್ ಬಳಕೆದಾರರು ಮೇ ೧, ೨೦೨೪ ರಂದು ವೀಡಿಯೋವನ್ನು ಹಂಚಿಕೊಂಡಿದ್ದಾರೆ. ವೀಡಿಯೋದ ಶೇರ್ಷಿಕೆಯು "ಚುನಾವಣಾ ಆಯೋಗ, ಎನ್ಫೋರ್ಸ್ಮೆಂಟ್ ಡೈರೆಕ್ಟೊರೇಟ್, ಮತ್ತು ಆದಾಯ ತೆರಿಗೆ (ಇಲಾಖೆ) ಎಲ್ಲವೂ ಒಟ್ಟಾಗಿವೆ. ಭಾರತವನ್ನು ಉಳಿಸಿ. ಇವಿಎಂ ಕಳ್ಳತನವು ಬಿಜೆಪಿ ಪಕ್ಷದ ವಾಹನದಲ್ಲಿ ಸಿಕ್ಕಿಬಿದ್ದಿದೆ. ಹೀಗಿದೆ "೪೦೦ ಪಾರ್," ಈಗ ಭಾರತದ ಜನರು ಎಚ್ಚರಗೊಳ್ಳುತ್ತಿದ್ದಾರೆ, ತಪ್ಪಿನ ವಿರುದ್ಧ ನಿಲ್ಲುವ ಭಾರತೀಯನ ಮೇಲೆ ನನಗೆ ಹೆಮ್ಮೆಯಿದೆ" (ಅನುವಾದಿಸಲಾಗಿದೆ).

ಬಿಜೆಪಿ ನಾಯಕರ ಕಾರಿನಲ್ಲಿ ಜನರು ಇವಿಎಂ ಗಳನ್ನು ಒಡೆಯುತ್ತಿರುವುದನ್ನು ತೋರಿಸುವ ವೀಡಿಯೋವನ್ನು ಹಂಚಿಕೊಳ್ಳುವ ಇನ್‌ಸ್ಟಾಗ್ರಾಮ್‌ ಪೋಷ್ಟ್ ನ ಸ್ಕ್ರೀನ್‌ಶಾಟ್‌.

ಇನ್‌ಸ್ಟಾಗ್ರಾಮ್ ಬಳಕೆದಾರರು ಏಪ್ರಿಲ್ ೨೮, ೨೦೨೪ ರಂದು ಅದೇ ವೀಡಿಯೋವನ್ನು ಹಂಚಿಕೊಂಡಿದ್ದಾರೆ.

ಮೇ ೨, ೨೦೨೪ ರಂದು ಯೂಟ್ಯೂಬ್ ನಲ್ಲಿ ಹಂಚಿಕೊಂಡ ಅದೇ ವೀಡಿಯೋವನ್ನು ನಾವು ಕಂಡುಕೊಂಡಿದ್ದೇವೆ, "೪೦೦ ಪಾರ್ ಪರ್ ನೇರ ದಾಳಿ.#shortsfeed #youtubeshorts #ytshorts #bjp #2024chunav #2024election #shorts" (ಅನುವಾದಿಸಲಾಗಿದೆ).

“ಅಬ್ಕಿ ಬಾರ್ ೪೦೦ ಪಾರ್” ಎಂಬುದು ೨೦೨೪ ರ ಲೋಕಸಭಾ ಚುನಾವಣೆಗೆ ಬಿಜೆಪಿಯ ಘೋಷಣೆಯಾಗಿದೆ ಮತ್ತು ನಾವು ವೀಡಿಯೋವನ್ನು ಹಂಚಿಕೊಳ್ಳಲು ಬಳಸಲಾದ #BJP #2024chunav #2024election ಎಂಬ ಹ್ಯಾಶ್‌ಟ್ಯಾಗ್‌ಗಳನ್ನು ಸಹ ಗುರುತಿಸಿದ್ದೇವೆ.

ಮೇ ೨, ೨೦೨೪ ರಿಂದ ಯೂಟ್ಯೂಬ್ ವೀಡಿಯೋದ ಸ್ಕ್ರೀನ್‌ಶಾಟ್‌.

ಪುರಾವೆ:

ನಾವು ವೀಡಿಯೋವನ್ನು ವಿಶ್ಲೇಷಿಸಿದ್ದೇವೆ ಮತ್ತು ಪರವಾನಗಿ ಫಲಕವು ಕರ್ನಾಟಕದದ್ದು ಎಂದು ಕಂಡುಬಂದಿದೆ.

ವೈರಲ್ ವೀಡಿಯೋದಲ್ಲಿ ಕಂಡುಬರುವ ಕರ್ನಾಟಕದ ವಾಹನ ಪರವಾನಗಿ ಫಲಕದ ಸ್ಕ್ರೀನ್‌ಶಾಟ್.

ಇದನ್ನು ಒಂದು ಸುಳಿವಾಗಿ ತೆಗೆದುಕೊಂಡು, ನಾವು ಕೀವರ್ಡ್ ಸರ್ಚ್ ಮಾಡಲು "ಕರ್ನಾಟಕ," "ಕಾರ್," "ಜನರು," "ಬ್ರೇಕಿಂಗ್," ಮತ್ತು "ಇವಿಎಂ" ನಂತಹ ಕೀವರ್ಡ್‌ಗಳನ್ನು ಬಳಸಿದ್ದೇವೆ. ಇದು ಮೇ ೧೦, ೨೦೨೩ ರಿಂದ ಐಫ್ರೀ ಪ್ರೆಸ್ ಜರ್ನಲ್ ವರದಿಗೆ ನಮ್ಮನ್ನು ಕರೆದೊಯ್ಯುತ್ತದೆ. ಅದು ವೈರಲ್ ವೀಡಿಯೋದಿಂದ ಸ್ಕ್ರೀನ್‌ಶಾಟ್‌ಗಳನ್ನು ಹೊಂದಿದೆ.

ಫ್ರೀ ಪ್ರೆಸ್ ಜರ್ನಲ್ ವರದಿಯ ಸ್ಕ್ರೀನ್‌ಶಾಟ್‌.

ವರದಿಯ ಪ್ರಕಾರ ಕರ್ನಾಟಕದ ವಿಜಯನಗರದಲ್ಲಿ ಘಟನೆ ಸಂಭವಿಸಿದ್ದು, ಗ್ರಾಮಸ್ಥರ ಗುಂಪೊಂದು ಚುನಾವಣಾಧಿಕಾರಿಯ ವಾಹನದ ಮೇಲೆ ದಾಳಿ ಮಾಡಿ ಎರಡು ಕಂಟ್ರೋಲ್ ಮತ್ತು ಬ್ಯಾಲೆಟ್ ಯೂನಿಟ್‌ಗಳು ಮತ್ತು ಕಾರಿನಲ್ಲಿದ್ದ ಮೂರು ವಿವಿಪ್ಯಾಟ್‌ಗಳನ್ನು ಹಾನಿಗೊಳಿಸಿದೆ ಎಂದು ವರದಿಯಾಗಿದೆ. ಘಟನೆಗೆ ಸಂಬಂಧಿಸಿದಂತೆ ೨೩ ಗ್ರಾಮಸ್ಥರನ್ನೂ ಪೊಲೀಸರು ಬಂಧಿಸಿದ್ದಾರೆ.

ಚುನಾವಣಾ ಆಯೋಗದ ಹೇಳಿಕೆಯಂತೆ, ಸೆಕ್ಷನ್ ಅಧಿಕಾರಿಯೊಬ್ಬರು ವಾಹನದಲ್ಲಿ ಸಾಗಿಸುತ್ತಿದ್ದ ವಿಧಾನಸಭಾ ಚುನಾವಣೆಗಾಗಿ ಕಾಯ್ದಿರಿಸಿದ ವಿದ್ಯುನ್ಮಾನ ಮತಯಂತ್ರಗಳ (ಇವಿಎಂ) ಸಾಗಣೆಯನ್ನು ಗ್ರಾಮಸ್ಥರು ಸ್ಥಗಿತಗೊಳಿಸಿದ್ದಾರೆ ಎಂದು ವರದಿ ಓದುತ್ತದೆ. ಈ ಘಟನೆಯ ಸಂದರ್ಭದಲ್ಲಿ, ಎರಡು ನಿಯಂತ್ರಣ ಮತ್ತು ಬ್ಯಾಲೆಟ್ ಯೂನಿಟ್‌ಗಳು ಮತ್ತು ಮೂರು ವೋಟರ್ ವೆರಿಫೈಬಲ್ ಪೇಪರ್ ಆಡಿಟ್ ಟ್ರೇಲ್‌ಗಳು (ವಿವಿಪಿಎಟಿ) ಹಾನಿಗೊಳಗಾಗಿವೆ ಎಂದು ವರದಿಯಾಗಿದೆ.

ಏನ್ ಡಿಟಿವಿ, ನ್ಯೂಸ್೧೮, ಮತ್ತು ಬಿಸಿನೆಸ್ ಸ್ಟ್ಯಾಂಡರ್ಡ್‌ ನಂತಹ ಇತರ ಸುದ್ದಿವಾಹಿನಿಗಳು ಈ ಘಟನೆಯನ್ನು ವರದಿ ಮಾಡಿವೆ.

ಈ ಘಟನೆಯು ೨೦೨೩ ರ ಕರ್ನಾಟಕ ವಿಧಾನಸಭಾ ಚುನಾವಣೆಯ ಸಮಯದಲ್ಲಿ ಸಂಭವಿಸಿದೆ ಎಂದು ಸ್ಪಷ್ಟಪಡಿಸುತ್ತದೆ ಮತ್ತು ನಡೆಯುತ್ತಿರುವ ಮತದಾನದ ಸಮಯದಲ್ಲಿ ಇದು ಇತ್ತೀಚಿನ ಘಟನೆಯನ್ನು ತೋರಿಸುತ್ತದೆ ಎಂಬ ಹೇಳಿಕೆಗಳು ತಪ್ಪು.

ತೀರ್ಪು:

ವೈರಲ್ ವಿಡಿಯೋದ ವಿಶ್ಲೇಷಣೆಯು ಈ ಘಟನೆಯು ೨೦೨೩ ರ ಹಿಂದಿನದು ಮತ್ತು ೨೦೨೩ ರ ರಾಜ್ಯ ವಿಧಾನಸಭಾ ಚುನಾವಣೆಯ ಸಮಯದಲ್ಲಿ ಕರ್ನಾಟಕದ ವಿಜಯನಗರದಲ್ಲಿ ಸಂಭವಿಸಿದೆ ಎಂದು ಬಹಿರಂಗಪಡಿಸುತ್ತದೆ. ಆದ್ದರಿಂದ, ೨೦೨೪ ರ ಲೋಕಸಭಾ ಚುನಾವಣೆಯ ಸಮಯದಲ್ಲಿ ನಡೆದ ಘಟನೆಯನ್ನು ವಿಡಿಯೋ ತೋರಿಸುತ್ತದೆ ಎಂದು ಆನ್‌ಲೈನ್ ಹೇಳಿಕೊಂಡಿದೆ.