ಕೇರಳ ಜನಪಕ್ಷಂ ಪಕ್ಷದ ನಾಯಕರಾಗಿದ್ದ ಪಿಸಿ ಜಾರ್ಜ್ ಅವರ ೨೦೨೨ ರ ದ್ವೇಷ ಭಾಷಣದ ವೀಡಿಯೋವನ್ನು ಕಾಂಗ್ರೆಸ್ ನಾಯಕರ ಭಾಷಣವೆಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ
ಸಾರಾಂಶ:
ಕೇರಳ ಕಾಂಗ್ರೆಸ್ ನಾಯಕ ಪಿಸಿ ಜಾರ್ಜ್ ಅವರು ಮಾಡಿದ ಭಾಷಣದಲ್ಲಿ ಮುಸ್ಲಿಮರನ್ನು ಗುರಿಯಾಗಿಸಿಕೊಂಡಿದ್ದಾರೆ ಎಂದು ಆರೋಪಿಸಿ ಎಕ್ಸ್ (ಹಿಂದೆ ಟ್ವಿಟರ್) ನಲ್ಲಿ ಹಲವಾರು ಬಳಕೆದಾರರು ವೀಡಿಯೋವನ್ನು ಹಂಚಿಕೊಂಡಿದ್ದಾರೆ. ಘಟನೆ ನಡೆದಿದ್ದರೂ, ವಿಡಿಯೋ ೨೦೨೨ ರದ್ದು ಎಂದು ನಾವು ಕಂಡುಕೊಂಡಿದ್ದೇವೆ ಮತ್ತು ವೀಡಿಯೋದಲ್ಲಿರುವ ವ್ಯಕ್ತಿ ಕೇರಳ ಜನಪಕ್ಷಂ ನಾಯಕ ಪಿಸಿ ಜಾರ್ಜ್. ಅವರು ಈಗ ಬಿಜೆಪಿ ಪಕ್ಷದಲ್ಲಿದ್ದರೆ. ಹೀಗಾಗಿ, ಈ ದೃಶ್ಯಾವಳಿಯಲ್ಲಿ ಕೇರಳದ ಕಾಂಗ್ರೆಸ್ ನಾಯಕರಿದ್ದಾರೆ ಎಂಬ ಆರೋಪ ತಪ್ಪು.
ಹೇಳಿಕೆ:
ಎಕ್ಸ್ (ಹಿಂದೆ ಟ್ವಿಟ್ಟರ್) ನಲ್ಲಿನ ಬಳಕೆದಾರರು ಕೇರಳ ಜನಪಕ್ಷಂ ನಾಯಕರಾದ ಪಿಸಿ ಜಾರ್ಜ್ ಅವರ ದ್ವೇಷದ ಭಾಷಣವನ್ನು ತೋರಿಸುವ ವೀಡಿಯೋ ಪೋಷ್ಟ್ ಅನ್ನು ಹಂಚಿಕೊಂಡಿದ್ದಾರೆ. ೫೩.೩ ಸಾವಿರ ಅನುಯಾಯಿಗಳನ್ನು ಹೊಂದಿರುವ ಬಳಕೆದಾರರು ಮೇ ೧, ೨೦೨೪ ರಂದು ಹಿಂದಿ ಶೀರ್ಷಿಕೆಯೊಂದಿಗೆ ವೀಡಿಯೋವನ್ನು ಪೋಷ್ಟ್ ಮಾಡಿದ್ದಾರೆ. ಇದು, "ಎಲ್ಲಾ ಕ್ರಿಶ್ಚಿಯನ್ನರು ಮತ್ತು ಹಿಂದೂಗಳು ಮುಸ್ಲಿಂ ಉದ್ಯಮಿಗಳಿರುವ ರೆಸ್ಟೋರೆಂಟ್‌ಗಳು ಮತ್ತು ಹೋಟೆಲ್‌ಗಳಲ್ಲಿ ತಿನ್ನಲು ಹೋಗಬಾರದು ಎಂದು ಕೇರಳ ಕಾಂಗ್ರೆಸ್ ನಾಯಕ ಪಿಸಿ ಜಾರ್ಜ್ ಹೇಳಿದ್ದಾರೆ. ಆಹಾರದಲ್ಲಿ ವಿವಿಧ ರೀತಿಯ ಔಷಧಗಳನ್ನು ಬೆರೆಸಿ ಹಿಂದೂಗಳು ಮತ್ತು ಕ್ರಿಶ್ಚಿಯನ್ನರನ್ನು ದುರ್ಬಲರನ್ನಾಗಿ ಮಾಡಲು ಮತ್ತು ಈ ದೇಶದ ಶಕ್ತಿಯನ್ನು ಹಿಡಿಯಲು ಅವರು ತಮ್ಮ ಹೇಳಿಕೆಗೆ ಉದಾಹರಣೆಯಾಗಿ ಅವರು ಹೇಳಿದರು, ನೀವು ಏನು ಹೇಳಿದಿರಿ ಈ ವ್ಯಕ್ತಿಯ ಬಗ್ಗೆ ಯೋಚಿಸಬೇಕು, ಅವರು ಸಾಮಾನ್ಯ ವ್ಯಕ್ತಿಯಲ್ಲ, ಅವರು ಕೇರಳ ಸರ್ಕಾರದಲ್ಲಿ ಮಾಜಿ ಸಚಿವರಾಗಿದ್ದರು (ಕನ್ನಡಕ್ಕೆ ಅನುವಾದಿಸಲಾಗಿದೆ). ಈ ಪೋಷ್ಟ್ ೪೫.೬ ಸಾವಿರ ವೀಕ್ಷಣೆಗಳು, ೧.೭ ಸಾವಿರ ಇಷ್ಟಗಳು ಮತ್ತು ೧ ಸಾವಿರ ಮರುಪೋಷ್ಟ್ ಗಳನ್ನು ಗಳಿಸಿದೆ.
ವೈರಲ್ ವೀಡಿಯೋದೊಂದಿಗೆ ಹಂಚಿಕೊಂಡ ಸಾಮಾಜಿಕ ಮಾಧ್ಯಮ ಪೋಷ್ಟ್ ಸ್ಕ್ರೀನ್ಶಾಟ್.
ಎಕ್ಸ್ ನಲ್ಲಿನ ಇನ್ನೊಬ್ಬ ಬಳಕೆದಾರರು ಇದೇ ರೀತಿಯ ಶೀರ್ಷಿಕೆಯೊಂದಿಗೆ ವೀಡಿಯೋವನ್ನು ಹಂಚಿಕೊಂಡಿದ್ದಾರೆ.
ಪುರಾವೆ:
ನಾವು ವೀಡಿಯೋವನ್ನು ವಿಶ್ಲೇಷಿಸಿದ್ದೇವೆ ಮತ್ತು ಅದರ ಹಿನ್ನೆಲೆಯಲ್ಲಿ ಕಾಣಿಸಿಕೊಳ್ಳುವ ಮಲಯಾಳಂನಲ್ಲಿನ ಪಠ್ಯವು 'ಹಿಂದೂ ಮಹಾಸಮೇಲನಂ ೨೦೨೨' ಎಂದು ಓದುತ್ತದೆ ಎಂದು ಕಂಡುಬಂದಿದೆ. ನಾವು ನಂತರ "ಹಿಂದೂ ಮಹಾಸಮೇಲನಂ" ಮತ್ತು "ಪಿಸಿ ಜಾರ್ಜ್" ಮೊದಲಾದ ಪದಗಳನ್ನು ಬಳಸಿಕೊಂಡು ಕೀವರ್ಡ್ ಹುಡುಕಾಟವನ್ನು ನಡೆಸಿದ್ದೇವೆ. ಅದು ಮೇ ೧, ೨೦೨೨ ರಂದು ಯೂಟ್ಯೂಬ್ ನಲ್ಲಿ ಪ್ರಕಟಿಸಲಾದ ಮೀಡಿಯಾ ಒನ್‌ನ ವರದಿಗೆ ನಮ್ಮನ್ನು ಕರೆದೊಯ್ಯಿತು.
ಮೇ ೧, ೨೦೨೨ ರಂದು ಪ್ರಕಟಿಸಿದ ಮೀಡಿಯಾ ಒನ್ ವರದಿಯ ಸ್ಕ್ರೀನ್ಶಾಟ್.
ಮಲಯಾಳಂ ಭಾಷೆಯಲ್ಲಿರುವ ವರದಿಯ ಶೀರ್ಷಿಕೆ, "ದ್ವೇಷ ಭಾಷಣ; ದ್ವೇಷದ ಭಾಷಣದ ಹಿನ್ನಲೆಯಲ್ಲಿ ಪಿಸಿ ಜಾರ್ಜ್ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ," ಎಂದು ಹೇಳಿಕೊಂಡಿದೆ. ಈ ವರದಿಯಲ್ಲಿ ವೈರಲ್ ವೀಡಿಯೋದ ಭಾಗಗಳನ್ನು ತೋರಿಸುತ್ತದೆ ಮತ್ತು ಪಿಸಿ ಜಾರ್ಜ್ ಅವರನ್ನು ಉಲ್ಲೇಖಿಸಿ ಕೇರಳದ ಮುಸ್ಲಿಂ ಒಡೆತನದ ರೆಸ್ಟೋರೆಂಟ್‌ಗಳು ಹಿಂದೂಗಳನ್ನು ದುರ್ಬಲಗೊಳಿಸಲು ಕೆಲವು ಔಷಧಿಗಳ ಹನಿಗಳನ್ನು ಹೊಂದಿರುವ ಚಹಾವನ್ನು ಮಾರಾಟ ಮಾಡುತ್ತಾರೆ ಎಂದು ವರದಿ ಮಾಡಿದೆ.
ಏಪ್ರಿಲ್ ೩೦, ೨೦೨೨ ರ ಒನ್ಮನೋರಮಾ ವರದಿಯ ಪ್ರಕಾರ, ಏಪ್ರಿಲ್ ೨೯, ೨೦೨೨ ರಂದು ಕೇರಳದ ತಿರುವನಂತಪುರಂ ನಲ್ಲಿ ನಡೆದ ಹಿಂದೂ ಶೃಂಗಸಭೆಯಲ್ಲಿ ಪಿಸಿ ಜಾರ್ಜ್ ವಿವಾದಾತ್ಮಕ ಹೇಳಿಕೆಯನ್ನು ನೀಡಿದ್ದಾರೆ. ವರದಿಯು ಹೀಗೆ ಹೇಳುತ್ತದೆ, "ತಿರುವನಂತಪುರಂ: ಶುಕ್ರವಾರ ಜಿಲ್ಲೆಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮುಸ್ಲಿಂ ಸಮುದಾಯದ ವಿರುದ್ಧ ಕೋಮುವಾದಿ ಟೀಕೆಗಳನ್ನು ಎಸೆದಿದ್ದಕ್ಕಾಗಿ ಹಿರಿಯ ರಾಜಕಾರಣಿ ಪಿ ಸಿ ಜಾರ್ಜ್ ವಿರುದ್ಧ ತಿರುವನಂತಪುರಂ ಫೋರ್ಟ್ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ (ಕನ್ನಡಕ್ಕೆ ಅನುವಾದಿಸಲಾಗಿದೆ)."
ಪಿಸಿ ಜಾರ್ಜ್ ಅವರು ಯುನೈಟೆಡ್ ಡೆಮಾಕ್ರಟಿಕ್ ಫ್ರಂಟ್ (ಯುಡಿಎಫ್), ಕಾಂಗ್ರೆಸ್ ನೇತೃತ್ವದ ಮೈತ್ರಿ ಮತ್ತು ಲೆಫ್ಟ್ ಡೆಮಾಕ್ರಟಿಕ್ ಫ್ರಂಟ್ (ಎಲ್‌ಡಿಎಫ್) ಎರಡರೊಂದಿಗೂ ಹಿಂದೆ ಸಂಬಂಧವನ್ನು ಹೊಂದಿದ್ದರೂ, ಕೇರಳದ ಬಲಪಂಥೀಯ ರಾಜಕೀಯ ಪಕ್ಷಗಳ ಒಕ್ಕೂಟವಾದ ಹಿಂದೂ ಶೃಂಗಸಭೆಯಲ್ಲಿ ಪಿಸಿ ಜಾರ್ಜ್ ಭಾಗಿಯಾಗಿದ್ದರು. ಕೇರಳ ಜನಪಕ್ಷಂ, ಅವರು ಫೆಬ್ರವರಿ ೨೧, ೨೦೧೭ ರಂದು ರಚಿಸಿದ ರಾಜಕೀಯ ಪಕ್ಷ. ಜನವರಿ ೩೧, ೨೦೨೪ ರ ಟೈಮ್ಸ್ ಆಫ್ ಇಂಡಿಯಾ ವರದಿಯ ಪ್ರಕಾರ, ಕೇರಳ ಜನಪಕ್ಷಂ ಬಿಜೆಪಿಯೊಂದಿಗೆ ವಿಲೀನಗೊಂಡಿದೆ.
ತೀರ್ಪು:
ಏಪ್ರಿಲ್ ೨೯, ೨೦೨೨ ರಂದು ಕೇರಳದ ತಿರುವನಂತಪುರಂನಲ್ಲಿ ನಡೆದ ಹಿಂದೂ ಶೃಂಗಸಭೆಯಲ್ಲಿ ಮುಸ್ಲಿಂ ಸಮುದಾಯವನ್ನು ಗುರಿಯಾಗಿಸಿಕೊಂಡು ಪಿಸಿ ಜಾರ್ಜ್ ಅವರು ತಮ್ಮ ಪಕ್ಷವಾದ ಕೇರಳ ಜನಪಕ್ಷಂ ಅನ್ನು ಪ್ರತಿನಿಧಿಸಿ ಮಾತನಾಡಿದ್ದಾರೆ ಎಂದು ವೀಡಿಯೋದ ವಿಶ್ಲೇಷಣೆಯು ಬಹಿರಂಗಪಡಿಸುತ್ತದೆ. ಆದ್ದರಿಂದ, ಕೇರಳದ ಕಾಂಗ್ರೆಸ್ ನಾಯಕರೊಬ್ಬರು ಕೋಮುವಾದದ ಹೇಳಿಕೆ ನೀಡಿದ್ದಾರೆ ಎಂಬ ಹೇಳಿಕೆಯು ತಪ್ಪು.
