ಒಂದೇ ಸಮುದಾಯದವರ ಮಧ್ಯೆ ನಡೆದ ಜಗಳದ ವೀಡಿಯೋವನ್ನು ಅಲ್ಪಸಂಖ್ಯಾತರ ಕುಟುಂಬವನ್ನು ಗುಂಪೊಂದು ಥಳಿಸಿದೆ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ.

೪೪ ಸೆಕೆಂಡ್‌ಗಳ ವೀಡಿಯೋ ಕ್ಲಿಪ್ ಅನ್ನು ಪುರುಷರ ಗುಂಪಿನಿಂದ ದಂಪತಿಗಳ ಮೇಲೆ ಹಲ್ಲೆ ಮಾಡಲಾಗಿದೆ ಎಂದು ಎಕ್ಸ್ (ಹಿಂದೆ ಟ್ವಿಟರ್) ನಲ್ಲಿ ತಪ್ಪು ಹೇಳಿಕೆಯೊಂದಿಗೆ ಹಂಚಿಕೊಳ್ಳಲಾಗಿದೆ.

ಹೇಳಿಕೆ:

ದೊಣ್ಣೆಗಳಿಂದ ಪುರುಷರ ಗುಂಪಿನಿಂದ ದಂಪತಿಗಳ ಮೇಲೆ ಕ್ರೂರ ದಾಳಿಯನ್ನು ಮಾಡಲಾಗಿದೆ ಎಂದುಎಕ್ಸ್ ನಲ್ಲಿ ವೀಡಿಯೋ ಪೋಷ್ಟ್ ಅನ್ನು ಹಂಚಿಕೊಳ್ಳಲಾಗಿದೆ. ಘಟನೆ ನಡೆದ ಸ್ಥಳದ ಹೆಸರಾಗಲಿ, ಹಲ್ಲೆಯ ಕಾರಣವಾಗಲಿ, ಈ ಪೋಷ್ಟ್ ಸ್ಪಷ್ಟಪಡಿಸಿಲ್ಲ.

ಎಕ್ಸ್ ಬಳಕೆದಾರರೊಬ್ಬರು ಏಪ್ರಿಲ್ ೧, ೨೦೨೪ ರಂದು "ಭಾರತದಲ್ಲಿ ಮುಸ್ಲಿಂ ಕುಟುಂಬವನ್ನು ಥಳಿಸಲಾಗಿದೆ (sic)" ಎಂಬ ಶೀರ್ಷಿಕೆಯೊಂದಿಗೆ ವೀಡಿಯೋವನ್ನು ಪೋಷ್ಟ್ ಮಾಡಿದ್ದಾರೆ. ಈ ಪೋಷ್ಟ್ ೩೧.೩ ಸಾವಿರ ವೀಕ್ಷಣೆಗಳು, ೧.೨ ಸಾವಿರ ಇಷ್ಟಗಳು ಮತ್ತು ೭೫೩ ಮರುಪೋಷ್ಟ್ ಗಳನ್ನು ಗಳಿಸಿದೆ.

ಮುಸ್ಲಿಂ ಕುಟುಂಬದ ಮೇಲೆ ದಾಳಿ ಮಾಡಿರುವುದನ್ನು ತೋರಿಸುತ್ತದೆ ಎಂದು ಹೇಳಿಕೊಂಡು ಹಂಚಿಕೊಳ್ಳಲಾದ ಎಕ್ಸ್ ಪೋಸ್ಟ್‌ನ ಸ್ಕ್ರೀನ್‌ಶಾಟ್‌.

ಎಕ್ಸ್ ನಲ್ಲಿ ೨೩.೩ ಸಾವಿರ ಅನುಯಾಯಿಗಳನ್ನು ಹೊಂದಿರುವ ಅಲ್ ಫಾರಿಸ್ ಎಂಬ ಮತ್ತೊಬ ಬಳಕೆದಾರರು ಈ ಕ್ಲಿಪ್ ಅನ್ನು ಇದೇ ರೀತಿಯ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ. ಈ ವ್ಯಕ್ತಿ ಭಾರತವನ್ನು ಗುರಿಯಾಗಿಸಿ ಪೋಷ್ಟ್ ಗಳನ್ನು ಹಲವು ಬಾರಿ ಹಂಚಿಕೊಂಡಿದ್ದಾರೆ.

ಅಲ್ ಫಾರಿಸ್ ಅವರ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್.

ಪುರಾವೆ:

ನಾವು ಕೀಫ್ರೇಮ್‌ಗಳ ರಿವರ್ಸ್ ಇಮೇಜ್ ಸರ್ಚ್ ನಡೆಸಿದಾಗ, ಜುಲೈ ೬, ೨೦೨೦ ರ ಎಕ್ಸ್ ಪೋಷ್ಟ್ ಒಂದಕ್ಕೆ ನಮ್ಮನ್ನು ಕರೆದೊಯ್ಯಿತು. @Fatima_Qurashii ಎಂಬ ಎಕ್ಸ್ ಬಳಕೆದಾರರ ಪೋಷ್ಟ್ ನ ಶೀರ್ಷಿಕೆಯು ಹೀಗೆ ಹೇಳುತ್ತದೆ, “ಯುಪಿ ಸಿದ್ಧಾರ್ಥನಗರದ ಈ ವೀಡಿಯೋ ನಿಮ್ಮ ಹೃದಯವನ್ನು ಅಲ್ಲಾಡಿಸುತ್ತದೆ. ಯುಪಿಯಲ್ಲಿ ಪ್ರತಿನಿತ್ಯ ಇಂತಹ ಘಟನೆಗಳು ನಡೆಯುತ್ತಿದ್ದು, ಸರಕಾರ ಮೂಕಪ್ರೇಕ್ಷಕವಾಗಿದೆ. ಸರಕಾರ ಸುಳ್ಳು ಪ್ರಚಾರ ನಡೆಸುತ್ತಿದ್ದು, ಅಪರಾಧಿಗಳಿಗೆ ಕಡಿವಾಣ ಹಾಕಿಲ್ಲ. ಯೋಗಿರಾಜ್ ಜಂಗಲ್ ರಾಜ್ ಆಗಿದ್ದಾರೆ. (sic)"

ಈ ವೀಡಿಯೋ ಉತ್ತರ ಪ್ರದೇಶದ ಸಿದ್ಧಾರ್ಥನಗರದ್ದು ಎಂದು ಹೇಳಿಕೊಂಡು ಹಂಚಿಕೊಳ್ಳಲಾದ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್.

ಇದರಿಂದ ಕ್ಯೂಸುಳುಹುಗಳನ್ನು ತೆಗೆದುಕೊಂಡು ನಾವು "ಸಿದ್ಧಾರ್ಥನಗರ" ಮತ್ತು "ದಾಳಿ" ಯಂತಹ ಕೀವರ್ಡ್‌ಗಳನ್ನು ಬಳಸಿಕೊಂಡು ಕೀವರ್ಡ್ ಸರ್ಚ್ ನಡೆಸಿದ್ದೇವೆ. ಜುಲೈ ೦೭, ೨೦೨೦ ರಂದು, ಸಿದ್ಧಾರ್ಥನಗರ ಪೊಲೀಸರು ಎಕ್ಸ್ ಪೋಷ್ಟ್ ಮೂಲಕ ಘಟನೆಯನ್ನು ಸ್ಪಷ್ಟಪಡಿಸುವ ಹೇಳಿಕೆಯನ್ನು ಪ್ರಕಟಿಸಿದ್ದಾರೆ ಎಂದು ನಾವು ಕಂಡುಕೊಂಡಿದ್ದೇವೆ.

ಚಿತ್ರವು ಜುಲೈ ೦೭, ೨೦೨೦ ರಂದು ಸಿದ್ಧಾರ್ಥನಗರ ಪೊಲೀಸರ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್ ಅನ್ನು ತೋರಿಸುತ್ತದೆ.

ಸಿದ್ಧಾರ್ಥನಗರ ಪೊಲೀಸರ ಪ್ರಕಾರ, ಉತ್ತರಪ್ರದೇಶದ ಸಿದ್ಧಾರ್ಥನಗರ ಜಿಲ್ಲೆಯ ಪಿಪ್ರಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಅಕ್ಕಪಕ್ಕದ ಎರಡು ಕುಟುಂಬಗಳ ಮಕ್ಕಳ ನಡುವಿನ ಗಲಾಟೆಯು ಈ ಘಟನೆಗೆ ಕಾರಣವಾಗಿದೆ. ಇದಲ್ಲದೆ, ವೀಡಿಯೋದಲ್ಲಿ ಹಲ್ಲೆ ನಡೆಸುವುದಾಗಿ ಕಂಡುಬಂದ ಮೂವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಸ್ಪಷ್ಟಪಡಿಸಿದ್ದಾರೆ.

ಜುಲೈ ೦೮, ೨೦೨೦ ರಂದು ಸಿದ್ಧಾರ್ಥನಗರ ಪೊಲೀಸರು ಪೋಷ್ಟ್ ಮಾಡಿದ ಮತ್ತೊಂದು ಎಕ್ಸ್ ಪೋಷ್ಟ್ ಪ್ರಕಾರ, ಹಲ್ಲೆಗೊಳಗಾದವರು ಮತ್ತು ಅಪರಾಧಿಗಳು ಇಬ್ಬರೂ ಒಂದೇ ಸಮುದಾಯಕ್ಕೆ ಸೇರಿದವರು ಮತ್ತು ಈ ಘಟನೆಯ ಹೆಸರಿನಲ್ಲಿ ಯಾವುದೇ ಕೋಮುವಾದಿ ವಿಷಯ ಇಲ್ಲ ಎಂದು ಸ್ಪಷ್ಟಪಡಿಸಿದೆ.

ಚಿತ್ರವು ಜುಲೈ ೦೮, ೨೦೨೦ ರಂದು ಸಿದ್ಧಾರ್ಥನಗರ ಪೊಲೀಸರು ಹಂಚಿಕೊಂಡ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್ ಅನ್ನು ತೋರಿಸುತ್ತದೆ.

ಮೂಲತಃ ಹಿಂದಿಯಲ್ಲಿ ಇರುವ ಸಿದ್ಧಾರ್ಥನಗರ ಪೊಲೀಸರ ಹೇಳಿಕೆಯನ್ನು ಕನ್ನಡಕ್ಕೆ ಭಾಷಾಂತರಿಸಿದ್ದಾರೆ, “ದಿನಾಂಕ ೦೬-೦೭-೨೦೨೦, ಸಂತ್ರಸ್ತ ಎಜಾಜ್, ಪಿಪ್ರಿ ನಿವಾಸಿ, ಸಜಾವತ್ ಅವರ ಮಗ, ವಯೋವೃದ್ಧರು, ಇಟ್ವಾ ಪೊಲೀಸ್ ಠಾಣೆಗೆ ಇಂದು ೦೬ ರಂದು ಪೊಲೀಸ್ ಠಾಣೆ ಇಟ್ವಾ ಮೂಲಕ ಮಾಹಿತಿ ನೀಡಿದ್ದಾರೆ. -೦೭-೨೦೨೦ ೧೩:೩೦ (1:30) ಸಮಯದಲ್ಲಿ, ನನ್ನ ಸ್ವಂತ ಗ್ರಾಮದ ವ್ಯಕ್ತಿ. ನಿವಾಸಿಗಳು: 1- ಮೊಹಮ್ಮದ್ ಅವರ ಮಗ ಇಸ್ತೇಕರ್. ಹಲೀಂ, 2- ರಜೀಯುದ್ದೀನ್ ರವರ ಪುತ್ರ ಅನ್ವರ್ ರಜಾ, 3- ಮೊ. ಮೊಹಮ್ಮದ್ ಅವರ ಮಗ ಕಲೀಂ. ಸಾಯಿ, 4- ಹಲೀಂ ಮಗ ಮೊಹಮ್ಮದ್. ಸಾಯಿ ಮಕ್ಕಳನ್ನು ದೊಣ್ಣೆಗಳಿಂದ ಹೊಡೆಯಲು ಮತ್ತು ನಿಂದಿಸಲು ಪ್ರಾರಂಭಿಸಿದರು. ನಾನು, ನನ್ನ ಪತ್ನಿ ಆಲಿಯಾ, ಮಗ ಗುಲಾಮ್ ಮೊಹಮ್ಮದ್ ರಜಾ ಮತ್ತು ಹುಡುಗಿಯರು ತೀವ್ರವಾಗಿ ಗಾಯಗೊಂಡಿದ್ದೇವೆ. ಈ ಬಗ್ಗೆ ಮಾಹಿತಿ ಮೇರೆಗೆ ಎಫ್ಐಆರ್ ನಂ.120/2020 ಕಲಂ 323, 504, 506, 452, 308,188 ಐಪಿಸಿ, 3 ಸಾಂಕ್ರಾಮಿಕ ಕಾಯ್ದೆ ಹಾಗೂ 51 ವಿಪತ್ತು ನಿರ್ವಹಣಾ ಕಾಯ್ದೆಯಂತೆ ಪೊಲೀಸ್ ಠಾಣೆ ಇತ್ವಾದಲ್ಲಿ ಪ್ರಕರಣ ದಾಖಲಿಸಿಕೊಂಡು ಮೇಲ್ಕಂಡ ನಾಲ್ವರು ಆರೋಪಿಗಳನ್ನು ಬಂಧಿಸಲಾಗಿದೆ. ಆದ್ದರಿಂದ ಎರಡೂ ಪಕ್ಷಗಳು ಒಂದೇ ಧರ್ಮಕ್ಕೆ ಸೇರಿದವರಾಗಿದ್ದು, ಮಕ್ಕಳ ವಿಚಾರದಲ್ಲಿ ಪರಸ್ಪರ ಜಗಳವಾಡಿದ್ದಾರೆ. ಇದರಲ್ಲಿ ಯಾವುದೇ ಮುಸ್ಲಿಂ ವ್ಯಕ್ತಿಯ ಮೇಲೆ ಆರ್‌ಎಸ್‌ಎಸ್ ಅಥವಾ ಯಾವುದೇ ಹಿಂದೂ ವ್ಯಕ್ತಿ ಹಲ್ಲೆ ಮಾಡಿಲ್ಲ. ದಯವಿಟ್ಟು ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಮತ್ತು ದಾರಿತಪ್ಪಿಸುವ ಸಂಗತಿಗಳನ್ನು ಹರಡಬೇಡಿ" ಎಂದು ಹೇಳಿದೆ. ಹೀಗಾಗಿ ಈಗ ವೈರಲ್ ಆಗುತ್ತಿರುವ ಕೋಮುವಾದಿ ಹೇಳಿಕೆಗಳು ತಪ್ಪು ಎಂದು ಸ್ಪಷ್ಟವಾಗಿದೆ.

ತೀರ್ಪು:

ವೀಡಿಯೋದ ಸುತ್ತಲಿನ ವೈರಲ್ ಹೇಳಿಕೆಯ ವಿಶ್ಲೇಷಣೆಯು ಘಟನೆಯಲ್ಲಿ ಭಾಗಿಯಾಗಿರುವ ವ್ಯಕ್ತಿಗಳು ಒಂದೇ ಸಮುದಾಯಕ್ಕೆ ಸೇರಿದವರು ಎಂದು ಕಂಡುಬಂದಿದೆ. ಆದ್ದರಿಂದ ಈ ವೀಡಿಯೋ ಬಗ್ಗೆ ಹಂಚಿಕೊಳ್ಳಲಾಗುತ್ತಿರುವ ಕೋಮು ಪೋಷ್ಟ್ ಗಳು ತಪ್ಪು ಎಂದು ಸ್ಪಷ್ಟವಾಗಿದೆ.