ಗುಜರಾತ್‌ನ ಹುಡುಗನೊಬ್ಬ ತ್ರಿವರ್ಣ ಧ್ವಜವನ್ನು ಹರಿದು ಹಾಕಿರುವ ೨೦೧೮ ರ ವೀಡಿಯೋವನ್ನು ಕೋಮು ನಿರೂಪಣೆಯೊಂದಿಗೆ ಕರ್ನಾಟಕದೆಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ
ಸಾರಾಂಶ:
ಸಾಮಾಜಿಕ ಮಾಧ್ಯಮ ಬಳಕೆದಾರರು ಪ್ರಚೋದನಕಾರಿ ಹೇಳಿಕೆಗಳನ್ನು ನೀಡುವ ಮತ್ತು ಭಾರತೀಯ ಧ್ವಜವನ್ನು ಹರಿದು ಹಾಕುವ ಹುಡುಗನೊಬ್ಬನ ವೀಡಿಯೋ ಕ್ಲಿಪ್ ಅನ್ನು ಅವನೊಬ್ಬ ಕರ್ನಾಟಕದ ಮುಸ್ಲಿಂ ಎಂದು ಹೇಳಿ ಹಂಚಿಕೊಂಡಿದ್ದಾರೆ. ಆದರೆ, ೨೦೧೮ ರ ಮೂಲ ಎಡಿಟ್ ಮಾಡದ ವೀಡಿಯೋ ಇದು ಗುಜರಾತ್‌ನಲ್ಲಿ ಹಿಂದೂ ಹದಿಹರೆಯದವರು ಮಾಡಿದ ದಾರಿತಪ್ಪಿದ ತಮಾಷೆ ಎಂದು ಬಹಿರಂಗಪಡಿಸುತ್ತದೆ. ಇದು ಹೇಳಿಕೆಯನ್ನು ತಪ್ಪುದಾರಿಗೆಳೆಯುವಂತೆ ಮಾಡುತ್ತದೆ.
ಹೇಳಿಕೆ:
ಎಕ್ಸ್ (ಹಿಂದೆ ಟ್ವಿಟರ್) ಬಳಕೆದಾರರು ಭಾರತೀಯ ಧ್ವಜವನ್ನು ಹರಿದುಹಾಕುವ ಮತ್ತು ಪ್ರಚೋದನಕಾರಿ ಹೇಳಿಕೆಗಳನ್ನು ನೀಡುವ ಹುಡುಗನೊಬ್ಬನ ವೀಡಿಯೋ ಕ್ಲಿಪ್ ಅನ್ನು ಹಂಚಿಕೊಂಡಿದ್ದಾರೆ. ವೀಡಿಯೋದಲ್ಲಿನ ಹುಡುಗನ ಧಾರ್ಮಿಕ ಗುರುತಿನ ಬಗ್ಗೆ ಪೋಷ್ಟ್ ನ ಶೀರ್ಷಿಕೆಯು ಅವನು ಕರ್ನಾಟಕದ ಮುಸ್ಲಿಂ ಎಂದು ಹೇಳುತ್ತದೆ. ಹುಡುಗ ತನ್ನ ಧರ್ಮದ ಕಾರಣದಿಂದಾಗಿ ಯಾವುದೇ ಪರಿಣಾಮಗಳನ್ನು ಎದುರಿಸುವುದಿಲ್ಲ ಎಂದು ಕೂಡ ಹೇಳಲಾಗಿದೆ.
ಆಗಸ್ಟ್ ೨೪, ೨೦೨೪ ರಂದು ಹೇಳಿಕೆಯನ್ನು ಹಂಚಿಕೊಳ್ಳುವ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್.
ಪುರಾವೆ:
ನಾವು ಸಾಮಾಜಿಕ ಮಾಧ್ಯಮ ವೇದಿಕೆಗಳು ಮತ್ತು ಸುದ್ದಿ ಮಾಧ್ಯಮಗಳಲ್ಲಿ ಕೀವರ್ಡ್ ಸರ್ಚ್ ನಡೆಸಿದ್ದೇವೆ ಮತ್ತು ಈ ಘಟನೆಯು ೨೦೧೮ ರದು ಮತ್ತು ೨೦೨೪ ರದಲ್ಲ ಎಂದು ಕಂಡುಕೊಂಡಿದ್ದೇವೆ. ಸೂರತ್‌ನಲ್ಲಿನ ಸ್ಥಳೀಯ ಪೊಲೀಸರ ಹೇಳಿಕೆಯನ್ನು ನಾವು ಆಗಸ್ಟ್ ೨೦, ೨೦೧೮ ರಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ. ಅಮ್ರೋಲಿ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್‌ಪೆಕ್ಟರ್ ಜಿ.ಎ.ಪಟೇಲ್ ಇದರಲ್ಲಿ ಭಾಗಿಯಾಗಿರುವ ವ್ಯಕ್ತಿಗಳು ಇಬ್ಬರು ಹಿಂದೂ ಹದಿಹರೆಯದವರು ಎಂದು ದೃಢಪಡಿಸಿದರು ಮತ್ತು ಅವರು ತಮಾಷೆಗೆಂದು ತಪ್ಪಾಗಿ ವೀಡಿಯೋವನ್ನು ಮಾಡಿದರು. ಅವರ ಕ್ರಿಯೆಗಳ ಸೂಕ್ಷ್ಮ ಸ್ವಭಾವದ ಬಗ್ಗೆ ಅವರಿಗೆ ಎಚ್ಚರಿಕೆ ನೀಡಲಾಯಿತು.
ಆಗಸ್ಟ್ ೨೦, ೨೦೧೮ ರಂದು ಪ್ರಕಟವಾದ ಟೈಮ್ಸ್ ಆಫ್ ಇಂಡಿಯಾ ವರದಿಯ ಸ್ಕ್ರೀನ್‌ಶಾಟ್.
ಇದಲ್ಲದೆ, ಉತ್ತರ ಪ್ರದೇಶದ ಸಮಾಜವಾದಿ ಪಕ್ಷದ ಸದಸ್ಯ ಐ.ಪಿ. ಸಿಂಗ್ ಸಿಂಗ್ ವೈರಲ್ ಹೇಳಿಕೆಯನ್ನು ಒಂದು ಎಕ್ಸ್ ಪೋಷ್ಟ್ ನ ಮೂಲಕ ತಳ್ಳಿಕಾಕಿದ್ದಾರೆ. ಇದು ೨೦೧೮ ರ ಹಳೆಯ ವೀಡಿಯೋ. ವೈರಲ್ ಪೋಷ್ಟ್ ಗಳಲ್ಲಿ ಚಿತ್ರಿಸಿದಂತೆ ಇತ್ತೀಚಿನ ಘಟನೆಯಲ್ಲ ಎಂದು ಅವರ ಪೋಷ್ಟ್ ಸ್ಪಷ್ಟಪಡಿಸಿದೆ. ಮೂಲ ಘಟನೆ ಗುಜರಾತ್‌ನ ಸೂರತ್‌ನಲ್ಲಿ ನಡೆದಿದೆ. ಅದರಲ್ಲಿ ಒಳಗೊಂಡ ಹುಡುಗರು ಹಿಂದೂಗಳು, ಮುಸ್ಲಿಮರಲ್ಲ.
ಆಗಸ್ಟ್ ೨೪, ೨೦೨೪ ರಂದು ಐ.ಪಿ. ಸಿಂಗ್ ಹಂಚಿಕೊಂಡಿರುವ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್.
ತೀರ್ಪು:
ಮೂಲ ವೀಡಿಯೋದ ವಿಶ್ಲೇಷಣೆಯು ಅದು ೨೦೧೮ ರ ಘಟನೆ ಹಾಗು ಗುಜರಾತ್‌ನಲ್ಲಿ ಹಿಂದೂ ಹದಿಹರೆಯದವರು ತಮಾಷೆಗೆಂದು ಮಾಡಿದ ತಪ್ಪುದಾರಿಗೆಳೆಯುವ ವೀಡಿಯೋ ಎಂದು ಸ್ಪಷ್ಟಪಡಿಸುತ್ತದೆ ಮತ್ತು ಆ ಹುಡುಗರು ಕರ್ನಾಟಕದ ಮುಸ್ಲಿಂ ಹುಡುಗನಲ್ಲ ಎಂದು ಬಹಿರಂಗಪಡಿಸುತ್ತದೆ. ವೈರಲ್ ವೀಡಿಯೋ ಕ್ಲಿಪ್ ಅನ್ನು ಆಯ್ದವಾಗಿ ಎಡಿಟ್ ಮಾಡಲಾಗಿದೆ ಮತ್ತು ತಪ್ಪು ನಿರೂಪಣೆಯನ್ನು ರಚಿಸಲು ಸಂದರ್ಭಾನುಸಾರವಾಗಿ ಹಂಚಿಕೊಳ್ಳಲಾಗಿದೆ. ಆದ್ದರಿಂದ, ಈ ವೀಡಿಯೋದೊಂದಿಗೆ ಹಂಚಿಕೊಂಡಿರುವ ಹೇಳಿಕೆ ತಪ್ಪುದಾರಿಗೆಳೆಯುವಂತಿದೆ.
