ಇಲ್ಲ, ಇಂಡಿಯಾ ಟುಡೇ ಅಮೃತ್ಸರ್ ಗೆ ಸಂಬಂಧಿಸಿದಂತೆ ಯಾವುದೇ ಎಕ್ಸಿಟ್ ಪೋಲ್‌ಗಳನ್ನು ಬಿಡುಗಡೆ ಮಾಡಿಲ್ಲ
ಸಾರಾಂಶ:
ಇಂಡಿಯಾ ಟುಡೆಗೆ ಪ್ರಕಟಿಸಿರುವುದಾಗಿ ತೋರಿಸುವ ಅಮೃತ್ಸರ್ ನ ಎಕ್ಸಿಟ್ ಪೋಲ್ ನದ್ದು ಎಂದು ಹೇಳಿಕೊಂಡು ಚಿತ್ರವೊಂದನ್ನು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹಂಚಿಕೊಂಡಿದ್ದಾರೆ. ಭಾರತೀಯ ಚುನಾವಣಾ ಆಯೋಗವು (ಇಸಿಐ) ಏಪ್ರಿಲ್ ೧೯, ೨೦೨೪ ರಿಂದ ಜೂನ್ ೧, ೨೦೨೪ ರವರೆಗೆ ನಿರ್ಗಮನ ಸಮೀಕ್ಷೆಗಳನ್ನು ಬಿಡುಗಡೆ ಮಾಡುವುದನ್ನು ನಿಷೇಧಿಸಿದೆ ಎಂಬುದನ್ನು ಗಮನಿಸುವುದು ಅತ್ಯಗತ್ಯ. ಆದ್ದರಿಂದ ಆನ್‌ಲೈನ್‌ನಲ್ಲಿ ಪ್ರಸಾರವಾಗುವ ಅಮೃತ್ಸರ್ ನಿರ್ಗಮನ ಸಮೀಕ್ಷೆಗಳ ಚಿತ್ರವು ನಕಲಿ.
ಹೇಳಿಕೆ:
ಜೂನ್ ೧, ೨೦೨೪ ರಂದು ಪ್ರಸ್ತುತ ಸಾರ್ವತ್ರಿಕ ಚುನಾವಣೆಯ ಏಳನೇ ಹಂತದಲ್ಲಿ, ಅಮೃತ್ಸರ್ ಲೋಕಸಭಾ ಕ್ಷೇತ್ರಕ್ಕೆ ಮತದಾನ ನಡೆಯಲಿದೆ. ೨೦೨೪ ರ ಲೋಕಸಭಾ ಚುನಾವಣೆಯ ಕೊನೆಯ ಹಂತದ ಅಮೃತ್ಸರ್ ನಿರ್ಗಮನ ಸಮೀಕ್ಷೆಗಳನ್ನು ಇಂಡಿಯಾ ಟುಡೇಗೆ ಹಂಚಿಕೊಂಡಿದೆ ಎಂದು ತೋರಿಸುವ ಚಿತ್ರವನ್ನು ಎಕ್ಸ್ (ಹಿಂದೆ ಟ್ವಿಟ್ಟರ್) ನಲ್ಲಿ ಬಳಕೆದಾರರು ಹಂಚಿಕೊಂಡಿದ್ದಾರೆ. ಬಳಕೆದಾರರು ಫೋಟೋವನ್ನು ಮೇ ೨೭, ೨೦೨೪ ರಂದು ಹೀಗೆ ಹೇಳಿಕೊಂಡು ಪೋಷ್ಟ್ ಮಾಡಿದ್ದಾರೆ, "ಇದು @SandhuTaranjitS ಫಾರ್ ಅಮೃತ್ಸರ್ (ಅನುವಾದಿಸಲಾಗಿದೆ)." ಈ ಪೋಷ್ಟ್ ೨೫.೭ ಸಾವಿರ ವೀಕ್ಷಣೆಗಳು, ೨೫೧ ಇಷ್ಟಗಳು ಮತ್ತು ೩೭ ಮರುಪೋಷ್ಟ್ ಗಳನ್ನು ಗಳಿಸಿದೆ. ಅಮೃತಸರ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ತರಂಜಿತ್ ಸಿಂಗ್ ಸಂಧು ಅವರನ್ನು ಕೂಡ ಬಳಕೆದಾರರು ಉಲ್ಲೇಖಿಸಿದ್ದಾರೆ.
ಎಕ್ಸ್ ನಲ್ಲಿ ಪೋಷ್ಟ್ ಮಾಡಿದ ಚಿತ್ರದ ಸ್ಕ್ರೀನ್‌ಶಾಟ್
ಫೇಸ್‌ಬುಕ್‌ನಂತಹ ಇತರ ಸಾಮಾಜಿಕ ಮಾಧ್ಯಮ ಬಳಕೆದಾರರು ಕೂಡ ಇದೇ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು.
ಪುರಾವೆ:
ನಾವು ಇಂಡಿಯಾ ಟುಡೇ ಅಧಿಕೃತ ಸಾಮಾಜಿಕ ಮಾಧ್ಯಮ ಖಾತೆಗಳನ್ನು ವಿಶ್ಲೇಷಿಸಿದ್ದೇವೆ ಮತ್ತು ಅವರು ೨೦೨೪ ರ ಲೋಕಸಭೆ ಚುನಾವಣೆಗೆ ಸಂಬಂಧಿಸಿದಂತೆ ಅಮೃತ್ಸರ್ ಕ್ಷೇತ್ರಕ್ಕೆ ಯಾವುದೇ ನಿರ್ಗಮನ ಸಮೀಕ್ಷೆಗಳನ್ನು ಬಿಡುಗಡೆ ಮಾಡಿಲ್ಲ ಎಂದು ಕಂಡುಕೊಂಡಿದ್ದೇವೆ. ಇದಲ್ಲದೆ ಎಕ್ಸಿಟ್ ಪೋಲ್ ಪ್ರಕಟಿಸುವುದು ಮತ ಚಲಾಯಿಸಿದ ನಂತರ, ಆದರೆ ಅಮೃತ್ಸರ್ ನಲ್ಲಿ ಜೂನ್ ೧ ರಂದು ಮತದಾನ ನಡೆಯಲಿದ್ದು ಅಲ್ಲಿನ ಬಗ್ಗೆ ಮುಂಚಿತವಾಗಿ ಎಕ್ಸಿಟ್ ಪೋಲ್ ಪ್ರಕಟಿಸಲು ಸಾಧ್ಯವಿಲ್ಲ. ಏಪ್ರಿಲ್ ೧೯, ೨೦೨೪ ರ ಭಾರತದ ಚುನಾವಣಾ ಆಯೋಗದ (ಇಸಿಐ) ಎಕ್ಸ್ ಪೋಷ್ಟ್ ಅನ್ನು ಕಂಡುಕೊಂಡಿದ್ದೇವೆ, ಇದು ಏಪ್ರಿಲ್ ೧೯, ೨೦೨೪ ರಿಂದ ಜೂನ್ ೧, ೨೦೨೪ ರವರೆಗೆ ನಿರ್ಗಮನ ಸಮೀಕ್ಷೆಗಳ ಮೇಲೆ ನಿಷೇಧವಿದೆ ಎಂದು ಹೇಳಿಕೊಂಡಿದೆ.
ಏಪ್ರಿಲ್ ೧೯, ೨೦೨೪ ರಂದು ಇಸಿಐ ಹಂಚಿಕೊಂಡ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್.
ಮಾರ್ಚ್ ೧೬, ೨೦೨೪ ರಂದು ಪ್ರಕಟಿಸಲಾದ ಇಸಿಐ ಸೂಚನೆಯ ಪ್ರಕಾರ, ಜನತಾ ಪ್ರಾತಿನಿಧ್ಯ ಕಾಯಿದೆ, ೧೯೫೧ ರ ಸೆಕ್ಷನ್ ೧೨೬ಆ ಎಕ್ಸಿಟ್ ಪೋಲ್ ನಡೆಸುವುದನ್ನು ಮತ್ತು ನಿರ್ದಿಷ್ಟ ಅವಧಿಯಲ್ಲಿ ಮುದ್ರಣ ಅಥವಾ ಎಲೆಕ್ಟ್ರಾನಿಕ್ ಮಾಧ್ಯಮಗಳ ಮೂಲಕ ಅದರ ಫಲಿತಾಂಶಗಳನ್ನು ಪ್ರಸಾರ ಮಾಡುವುದನ್ನು ನಿಷೇಧಿಸುತ್ತದೆ. ಈ ಸೆಕ್ಷನ್ ಅನ್ನು ಉಲ್ಲಂಘಿಸಿದರೆ ಎರಡು ವರ್ಷಗಳವರೆಗೆ ಜೈಲು ಶಿಕ್ಷೆ, ದಂಡ ಅಥವಾ ಎರಡನ್ನೂ ವಿಧಿಸಲಾಗುತ್ತದೆ.
ಆಜ್ ತಕ್ ಮತ್ತು ಇಂಡಿಯಾ ಟುಡೆಯ ವಾರ್ತಾ ನಿರ್ದೇಶಕ ರಾಹುಲ್ ಕನ್ವಾಲ್ ಅವರು ೨೦೨೪ ರ ಮೇ ೨೮ ರಂದು ಎಕ್ಸ್ ನಲ್ಲಿ ಸ್ಪಷ್ಟೀಕರಣವನ್ನು ಹಂಚಿಕೊಂಡಿದ್ದಾರೆ ಎಂದು ನಾವು ಕಂಡುಕೊಂಡಿದ್ದೇವೆ. ಅಲ್ಲಿ ಅವರು ವೈರಲ್ ಆಗಿರುವ ಅಮೃತ್ಸರ್ ಎಕ್ಸಿಟ್ ಪೋಲ್ ನಕಲಿ ಎಂದು ಹೇಳಿಕೊಂಡು, ಇಂತಹ ಯಾವುದೇ ನಕಲಿ ಎಕ್ಸಿಟ್ ಪೋಲ್‌ಗಳನ್ನು ನಂಬೇಡಿ ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರನ್ನು ಕೋರಿದ್ದಾರೆ.
ಮೇ ೨೮, ೨೦೨೪ ರಂದು ಹಂಚಿಕೊಂಡ ರಾಹುಲ್ ಕನ್ವಾಲ್ ಅವರ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್.
ತೀರ್ಪು:
ವರದಿಯ ವಿಶ್ಲೇಷಣೆಯು ೨೦೨೪ ರ ಲೋಕಸಭಾ ಚುನಾವಣೆಗೆ ಸಂಬಂಧಿಸಿದಂತೆ ಇಂಡಿಯಾ ಟುಡೇ ಪ್ರಕಟಿಸಿದ ಅಮೃತ್ಸರ್ ನ ನಿರ್ಗಮನ ಸಮೀಕ್ಷೆಯನ್ನು ತೋರಿಸುತ್ತದೆ ಎಂದು ವೈರಲ್ ಆಗಿರುವ ಚಿತ್ರ ನಕಲಿ ಎಂದು ಕಂಡುಬಂದಿದೆ. ಆದ್ದರಿಂದ, ಚಾನೆಲ್ ಅಮೃತ್ಸರ್ ಕ್ಷೇತ್ರಕ್ಕೆ ಭಾರತೀಯ ಜನತಾ ಪಕ್ಷದ ಪರವಾಗಿ ಎಕ್ಸಿಟ್ ಪೋಲ್ ಸಮೀಕ್ಷೆಯನ್ನು ಬಿಡುಗಡೆ ಮಾಡಿದೆ ಎಂಬ ಆರೋಪಗಳು ತಪ್ಪು.