ಬಾಂಗ್ಲಾದೇಶದ ಸೇನೆಯು ಲೂಟಿಕೋರರನ್ನು ಓಡಿಸುವ ವೀಡಿಯೋವನ್ನು ಹಿಂದೂಗಳನ್ನು ಗುರಿಯಾಗಿಸುವುದನ್ನು ತೋರಿಸುತ್ತದೆ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ

ಮಾಲ್ಡೀವ್ಸ್‌ನಿಂದ ಭಾರತ ೨೮ ದ್ವೀಪಗಳನ್ನು ಖರೀದಿಸಿದೆ ಹಾಗು ರಾಷ್ಟ್ರಪತಿ ಮುಯಿಝು ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರು ಪೋಷ್ಟ್ ಗಳನ್ನು ಹಂಚಿಕೊಂಡಿದ್ದಾರೆ. ಆದರೆ, ಈ ಹೇಳಿಕೆ ಮಾಲ್ಡೀವ್ಸ್‌ನಲ್ಲಿನ ಭಾರತದ ಅಭಿವೃದ್ಧಿ ಸಹಾಯ ಯೋಜನೆಗಳ ತಪ್ಪು ವ್ಯಾಖ್ಯಾನವನ್ನು ಆಧರಿಸಿದೆ. ಆದ್ದರಿಂದ ಈ ಹೇಳಿಕೆ ತಪ್ಪು.

ಹೇಳಿಕೆ:

ಭಾರತವು ಮಾಲ್ಡೀವ್ಸ್‌ನಿಂದ ೨೮ ದ್ವೀಪಗಳನ್ನು ಖರೀದಿಸಿದೆ ಎಂಬ ಹೇಳಿಕೆಯೊಂದಿಗೆ ಸಾಮಾಜಿಕ ಮಾಧ್ಯಮ ಪೋಷ್ಟ್ ಗಳ ಸರಣಿಯನ್ನು ಪ್ರಸಾರ ಮಾಡಲಾಗಿದೆ. ಎಕ್ಸ್ (ಹಿಂದೆ ಟ್ವಿಟರ್) ಮತ್ತು ಫೇಸ್‌ಬುಕ್‌ನಂತಹ ಪ್ಲಾಟ್‌ಫಾರ್ಮ್‌ಗಳಾದ್ಯಂತ ಹಂಚಿಕೊಳ್ಳಲಾದ ಈ ಪೋಷ್ಟ್ ಗಳು ಇದು ಭಾರತಕ್ಕೆ ಮಹತ್ವದ ರಾಜತಾಂತ್ರಿಕ ವಿಜಯವಾಗಿದೆ ಎಂದು ಸೂಚಿಸಿದೆ, ಕೆಲವರು ಇದನ್ನು ಚೀನಾ ವಿರುದ್ಧದ ಕಾರ್ಯತಂತ್ರದ ಕ್ರಮ ಎಂದು ರೂಪಿಸಿದ್ದಾರೆ.

ಆಗಸ್ಟ್ ೩, ೨೦೨೪ ರಂದು, ಫೇಸ್‌ಬುಕ್ ಬಳಕೆದಾರರು ಈ ಪಠ್ಯದೊಂದಿಗೆ ಚಿತ್ರವನ್ನು ಹಂಚಿಕೊಂಡಿದ್ದಾರೆ, "೨೮ ದ್ವೀಪಗಳನ್ನು ಭಾರತಕ್ಕೆ ಬಿಟ್ಟು ಕೊಟ್ಟ ಮಾಲ್ಡೀವ್ಸ್. ಇದು ರಾಜತಾಂತ್ರಿಕತೆ. ಜೈ ಜೈಶಂಕರ್. ಮೋದಿಜಿ ಇದ್ರೆ ಎಲ್ಲವೂ ಸಾಧ್ಯ." ಪೋಷ್ಟ್ ೨೪ ಗಂಟೆಗಳಲ್ಲಿ ೫,೦೦೦ ಕ್ಕೂ ಹೆಚ್ಚು ಇಷ್ಟಗಳನ್ನು ಪಡೆದುಕೊಂಡಿದೆ. ಸ್ವಲ್ಪ ಸಮಯದ ನಂತರ, ಆಗಸ್ಟ್ ೧೨, ೨೦೨೪ ರಂದು, ಒಬ್ಬ ಎಕ್ಸ್ ಬಳಕೆದಾರರು "ಚೆಕ್‌ಮೇಟ್ ಚೀನಾ. ಭಾರತವು ಮಾಲ್ಡೀವ್ಸ್‌ನಿಂದ ೨೮ ದ್ವೀಪಗಳನ್ನು ಖರೀದಿಸಿತು. ಮಾಲ್ಡೀವ್ಸ್ ತನ್ನ ೨೮ ದ್ವೀಪಗಳನ್ನು ಭಾರತಕ್ಕೆ ಹಸ್ತಾಂತರಿಸಿತು. ರಾಷ್ಟ್ರಾಪತಿ ಮುಯಿಝು ಸ್ವತಃ ಒಪ್ಪಂದಕ್ಕೆ ಸಹಿ ಹಾಕಿದರು" (ಅನುವಾದಿಸಲಾಗಿದೆ). ಈ ಎಕ್ಸ್ ಪೋಷ್ಟ್ ೩೦,೦೦೦ ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ. ಈ ಹೇಳಿಕೆಗಳು ಇತರ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಿಗೂ ತ್ವರಿತವಾಗಿ ಹರಡಿದೆ.

ಆಗಸ್ಟ್ ೧೨, ೨೦೨೪ ರಂದು ವೈರಲ್ ಹೇಳಿಕೆಯನ್ನು ಹಂಚಿಕೊಳ್ಳುವ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್.

ಪುರಾವೆ:

ಆಗಸ್ಟ್ ೧೦, ೨೦೨೪ ರಂದು, ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಜೈಶಂಕರ್ ಅವರು ಮಾಲ್ಡೀವ್ಸ್‌ಗೆ ೨೮ ​​ಮಾಲ್ಡೀವ್ಸ್ ದ್ವೀಪಗಳಲ್ಲಿ ನೀರು ಮತ್ತು ನೈರ್ಮಲ್ಯ ಯೋಜನೆಗಳನ್ನು ಉದ್ಘಾಟಿಸಿದರು. ಸರಿಸುಮಾರು ₹೯೨೩ ಕೋಟಿ ಮೌಲ್ಯದ ಈ ಯೋಜನೆಗಳಿಗೆ ಇಂಡಿಯನ್ ಲೈನ್ ಆಫ್ ಕ್ರೆಡಿಟ್ ಸೌಲಭ್ಯದ ಮೂಲಕ ಹಣ ನೀಡಲಾಗಿದೆ. ಈ ಘಟನೆಯನ್ನು ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ವರದಿ ಮಾಡಲಾಯಿತು ಮತ್ತು ಭಾರತ ಮತ್ತು ಮಾಲ್ಡೀವಿಯನ್ ಸರ್ಕಾರಗಳು ಅಧಿಕೃತವಾಗಿ ಘೋಷಿಸಿದವು.

ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ತನ್ನ ಅಧಿಕೃತ ಜಾಲತಾಣದಲ್ಲಿ ಯೋಜನೆಯ ಹಸ್ತಾಂತರದ ಬಗ್ಗೆ ವಿವರವಾದ ಹೇಳಿಕೆಯನ್ನು ಬಿಡುಗಡೆ ಮಾಡಿದೆ. ಗಮನಾರ್ಹವಾಗಿ, ಈ ಹೇಳಿಕೆಯು ಎರಡೂ ದೇಶಗಳ ನಡುವಿನ ಯಾವುದೇ ದ್ವೀಪ ಖರೀದಿ ಅಥವಾ ಪ್ರಾದೇಶಿಕ ವಿನಿಮಯವನ್ನು ಉಲ್ಲೇಖಿಸಿಲ್ಲ. ಹೇಳಿಕೆಯನ್ನು ನಿರಾಕರಿಸುವ ಹೆಚ್ಚಿನ ಪುರಾವೆಗಳು ಮಾಲ್ಡೀವಿಯನ್ ರಾಷ್ಟ್ರಪತಿ ಮೊಹಮದ್ ಮುಯಿಝು ಅವರಿಂದಲೇ ಬಂದವು. ಆಗಸ್ಟ್ ೧೦, ೨೦೨೪ ರಂದು, ಅವರು ಎಕ್ಸ್ ನಲ್ಲಿ ಹೀಗೆಂದು ಹಂಚಿಕೊಂಡರು, "ಇಂದು @DrSJaishankar ಅವರನ್ನು ಭೇಟಿಯಾಗಲು ಮತ್ತು ಮಾಲ್ಡೀವ್ಸ್‌ನ ೨೮ ದ್ವೀಪಗಳಲ್ಲಿ ನೀರು ಮತ್ತು ಒಳಚರಂಡಿ ಯೋಜನೆಗಳ ಅಧಿಕೃತ ಹಸ್ತಾಂತರದಲ್ಲಿ ಅವರೊಂದಿಗೆ ಸೇರಲು ಸಂತೋಷವಾಯಿತು" (ಅನುವಾದಿಸಲಾಗಿದೆ). ಈ ಹೇಳಿಕೆಯು ಕಾರ್ಯಕ್ರಮವು ಮೂಲಸೌಕರ್ಯ ಅಭಿವೃದ್ಧಿಯ ಬಗ್ಗೆ ಸ್ಪಷ್ಟವಾಗಿ ಸೂಚಿಸುತ್ತದೆ, ಪ್ರಾದೇಶಿಕ ಸ್ವಾಧೀನತೆಯಲ್ಲ.

ಆಗಸ್ಟ್ ೧೦, ೨೦೨೪ ರಂದು ಡಾ ಮೊಹಮದ್ ಮುಯಿಜ್ಜು ಅವರ ಎಕ್ಸ್ ಪೋಷ್ಟ್ ನ ಸ್ಕ್ರೀನ್‌ಶಾಟ್.

ಯೋಜನೆಯಲ್ಲಿ ಒಳಗೊಂಡಿರುವ ಎಲ್ಲಾ ೨೮ ಸೌಲಭ್ಯಗಳ ಹೆಸರನ್ನು ಪಟ್ಟಿ ಮಾಡಲಾದ ಮಾಲ್ಡೀವಿಯನ್ ರಾಷ್ಟ್ರಪತಿಯ ಕಛೇರಿಯಿಂದ ನಾವು ಪತ್ರಿಕಾ ಪ್ರಕಟಣೆಯನ್ನು ಸಹ ಕಂಡುಕೊಂಡಿದ್ದೇವೆ. ಈ ದಾಖಲೆಯು ದ್ವೀಪದ ಖರೀದಿಗಳಿಗಿಂತ ಮೂಲಭೂತ ಸೌಕರ್ಯಗಳ ಅಭಿವೃದ್ಧಿ ಎಂದು ಹೆಚ್ಚುವರಿ ದೃಢೀಕರಣವನ್ನು ಒದಗಿಸಿದೆ.

ಜುಲೈ ೯, ೨೦೨೪ ರಂದು ಮಾಲ್ಡೀವಿಯನ್ ರಾಷ್ಟ್ರಪತಿಯ ಕಛೇರಿಯ ಪತ್ರಿಕಾ ಪ್ರಕಟಣೆಯ ಸ್ಕ್ರೀನ್‌ಶಾಟ್.

ಈ ಹೇಳಿಕೆಯನ್ನು ಮತ್ತಷ್ಟು ಪರಿಶೀಲಿಸಲು, ನಾವು ಅಧಿಕೃತ ಸರ್ಕಾರಿ ಹೇಳಿಕೆಗಳ ಸಂಪೂರ್ಣ ಹುಡುಕಾಟವನ್ನು ಮಾಡಿದ್ದೇವೆ ಮತ್ತು ನಂತರ ಪ್ರಮುಖ ಸುದ್ದಿವಾಹಿನಿಗಳು ಮತ್ತು ಅಧಿಕೃತ ಸರ್ಕಾರಿ ಜಾಲತಾಣಗಳಲ್ಲಿ "ಭಾರತ ಮಾಲ್ಡೀವ್ಸ್ ದ್ವೀಪಗಳನ್ನು ಖರೀದಿಸುತ್ತದೆ" ಎಂಬ ಕೀವರ್ಡ್ ಸರ್ಚ್ ನಡೆಸಿದ್ದೇವೆ. ಈ ಹುಡುಕಾಟವು ಹೇಳಿಕೆಯನ್ನು ಬೆಂಬಲಿಸುವ ಯಾವುದೇ ವಿಶ್ವಾಸಾರ್ಹ ವರದಿಗಳನ್ನು ನೀಡಲಿಲ್ಲ.

ತೀರ್ಪು:

ವೈರಲ್ ಹೇಳಿಕೆಯ ವಿಶ್ಲೇಷಣೆಯು ಭಾರತವು ಮಾಲ್ಡೀವ್ಸ್‌ನಿಂದ ಯಾವುದೇ ದ್ವೀಪಗಳನ್ನು ಖರೀದಿಸಿಲ್ಲ ಎಂದು ಸ್ಪಷ್ಟಪಡಿಸುತ್ತದೆ. ಈ ಹೇಳಿಕೆ ಮಾಲ್ಡೀವ್ಸ್‌ನಲ್ಲಿ ಭಾರತದ ಅಭಿವೃದ್ಧಿ ಸಹಾಯವನ್ನು ಪ್ರಾದೇಶಿಕ ಸ್ವಾಧೀನ ಎಂದು ತಪ್ಪಾಗಿ ಅರ್ಥೈಸುತ್ತದೆ. ಆದ್ದರಿಂದ, ಈ ಹೇಳಿಕೆ ತಪ್ಪಾಗಿದೆ.